2010.03.22 老公口中的簡簡單單餐
是的，所謂的簡簡單單，就是煎塊扒，有個湯，湯可以係有菜的湯或是湯意粉。這次就是煎羊扒+羅宋湯鏍絲粉了！
2010.03.27 五天沒有煮……
其實三月最後一個星期沒有煮很多餐，因為常常不是我不在家吃，就是老公不在家吃，又或是一起出去吃！哈！五天後，就是煮了醬爆牛仔骨和菜了！還有沒有上鏡的蘋果猴頭菇雪耳湯。
2010.03.28 又是簡簡單單
每次問老公想食乜，佢總係話：「簡簡單單啦！」唉，其實佢只係諗唔到想食乜…所謂的簡簡單單，都係要煮，都係唔簡單架！所以我有時會話：咁簡單，不如你煮？哈哈~~ 今日的簡簡單單係牛扒加麵包！（由於「太簡單」，以後「簡單餐」除非有特別原因否則唔post相了！）
2010.03.29 懶煮餸
懶煮，但又想在家吃，煎魚柳是不錯的選擇。今天這個是燒汁魚柳，但味道一般。可能係因為那燒汁配肉比較好的關係。另外，以前在娘家，媽就會買燒味回來下飯，但我家少爺因為通常中午飯時吃燒味飯的機會率頗高，為免重覆，我就比較不會買燒味做餸。於是，一些現成的急凍肉便是好幫手！這個我稱之為「骨骨腸」，其實是黑椒豬肉腸再上番條骨，可以BBQ時燒來吃，又或煎番熱/叮番熱吃！好味的另類出貓餸！再加上用雞殼滾白菜粟米芯湯！又一餐！
2010.03.31 想吃魚
大概因為前晚的雪魚柳有點失敗，這晚想吃煎蒼魚。12蚊一條好抵！再加個黑椒牛柳粒可以帶飯，再加個合掌瓜肉片湯！Prefect!
沒有留言:
發佈留言