- 年新返新工，不經不覺返左三個禮拜。新公司的人基本上都很好，實際上我卻還沒有和他們很熟。開始明白到越接近權力核心，是非越多。有些事情表面上跟以前一樣，實際上已經在悄悄變化中。不過，我還是很慶幸換了新工作，因為新工作可以讓我做到更多我想做的事，發揮的空間也更多。就繼續努力吧！
- 一月，其實沒甚麼特別事情發生，就是偶爾跟朋友吃個飯聚一下。但就是這樣的無事忙，時間很快便過。
- 恭喜溫三小姐正式成為藍太（嗯，又一個藍太，女友仔都係藍太呀！）因為我未過probation就要請假，所以要扣人工。扣人工都同佢黎做姊妹，都算係情與義唔話得啦！不過相識多年，又真係唔可以咁計，而且每幫人一次搞結婚，自己都拎到好多經驗，又有開門利是收，哈~ 講到尾，我都係有著數！嘻嘻！
- 今年過年特別早，但總係覺得自從搬左入東涌後，都感受唔到太多過年氣氛。年三十晚因為太凍都無出去。初一餅餅同黃生黎拜年，初二就K先生黎我度拜年兼竹戰12圈，初三呢，就人少少孤兒院團拜，去左探陳阿BU，十幾日人仔，好醜樣（BB小氣要講反話）！可惜阿BU太會睡，所以抱唔到佢黎影相。話說回來，仲未見到小小楊星，聽講Joanne果個都係仔，哇~ 勁呀！三個仔，以後一定好嘈！嗯。等我八下佢地有咩秘方生仔，話畀藍太知先！因為佢要「一索得男」呀！ XD
- 最後一年逗利是，不過我估計今年利是錢應該都係唔多。甚至少過上年。不過都無乜所謂，雖然我好想好想逗到Azura同埋Jo仔佢地兩個果封利是！哈哈~~ 不過睇黎都係有少少難度架喇！
在此謹祝各位，牛年順順利利！今年會結婚/已經結左婚/已經有拖友的就繼續甜甜蜜蜜，未有另一半就今年紅鸞星動，搵番個伴。大家繼續有工開，開開心心，最緊要呢都係身體健康！
恭喜恭喜！
