近期熱門話題有感

近日多位藝人被「踼爆」結婚，看著他們被人迫供、批評，不禁有些感概：

1. 藝人也是普通人一個，到了適婚年齡結婚生仔也很正常。為甚麼一定要把他們自己的私事公諸於世？
2. 結婚呢樣事情真係各有所好，各有所求。有人會鍾意高調舖張，有人揀低調即慶。有時都覺得好在自己只係一個平凡人，雖然我想點都唔係全部任我揀，不過起碼就算畀人話都唔會咁多。
   
3. 有邊個無講過大話？有沒有想過他們為甚麼要「講大話」？為的還不就是為了保護家人！當然可能有人會說他們怕影自己星途云云……可是，我真的比較單純地認為沒有甚麼比保護自己最愛的人更重要！
4. 其實娛記／狗仔都真係幾犀利！真係難為佢地要咁樣查法，仲勁過私家偵探！
   
5. 結婚本來明明係一件開心事，點解可以搞到咁煩咁唔開心，甚而搞到神神秘秘收收埋埋？
6. 到底點先算結左婚？好似楊小姐咁註左冊就係？還是要好似老人家咁講一日未斟茶未擺酒都唔算？
7. 結婚真係唔係兩個人之間的事。而且亦都真係好唔簡單！
8. 令我又諗起舊年陳小姐（而家的劉太）結婚時話其實都唔係好辛苦！梗係啦，佢所有餅咭呀呢樣果樣都有人贊助！又咁多人幫佢手，乜都唔洗佢搞！如果我有錢又有咁多贊助，我都唔會辛苦啦！果排真係一見佢講自己婚事籌備就火都黎！
9. 又其實如果可以好似佢地咁就咁註冊就可以，其實都唔錯，煩少好多野。
10. 結婚，無論大搞定細搞，其實都真係好似做場Show咁！

點都好，祝福劉生劉太、丁生丁太、黎生黎太！

所以０９年年尾結婚的兄弟姊妹們，加油，共勉之！

P.S. 我十月都已經兩單，十二月的朋友請勿炸我，我一定去唔到！在心中！