友：係喎你結婚喎！恭喜晒呀！幾時好日子呀？
月：多謝！年尾囉！十二月呀！
友：咁你搞結婚搞成點呀？
月：嗯……大項目其實都搞掂架喇，而家係差d細項未搞到囉！都算七七八八啦！
友：哇！你咁快手？你早幾多開始搞呀？
月：嗯……舊年八月尾開始真係book囉！
友：下！咁咪即係年幾前？洗唔洗早成年搞咁誇呀？
月：嗯，我開頭都以為係自己誇張。但係當見到有更多人早年幾兩年就開始搞，我就發覺自己都唔算喇。
友：真係有咁多野搞？
月：係架，唔覺唔覺就越搞越多喇！同埋有好多時你唔搞到唔知果d都係要搞架囉！
其實都仲有其他問題，包括：邊度擺酒呀？影左結婚相未呀？租婚紗定買呀？要唔要同男家住呀？唔洗呀咁你定時住邊呀？等等……
以上問題，不斷在不同場合由不同人士重覆發問！特別以第二題出現率最高！我試過其中有個同事，差不多每隔一個月都問我一次！哈哈！全因為我平時其實無乜野好同佢地講，而佢地又唔知可以同我講乜，而唯一知道就係我就黎結婚，所以成日問住我！哈哈！
有人說，當你搞結婚的時候可能會覺得很煩！可是當結完婚後，你又會很回味那段日子！嗯……現在的我，就真的只是感到煩的部分！我很想這件事可以無風無浪快點完結便好了！
