最後一日年假，最後一日短期全職師奶生活！適逢老公農曆生日，問他想要吃甚麼，他說吃海鮮吧！好…就來一頓海鮮宴！
同場加映1：出貓中午飯
在我放假而他要上班的日子，他都會回來吃飯，我就會煮下粉麵給他吃！昨天在街市買了些上海麵回來，剛巧家中有一罐金寶中式酸辣湯，好，就來個酸辣湯麵吧！煮熟麵過冷河、開罐頭加一罐水煮滾加到麵裡！食得！罐頭湯又是一樣「出貓」良品！
簡單又好味的酸辣湯麵
同場加映2：桂花糕
很久以前就在小山手上收到桂花糕的食譜，原來很簡單，就像整啫哩一樣！不過最緊要就是要先買到桂花糖！加入冰糖和魚膠粉用和杞子用熱水煮開，再加桂花糖，糖水冷卻至室溫後便可以放到溶器再放入雪櫃！想要杞子不聚底就分開兩至三層做（就好像做雙色啫哩一樣）就是這樣簡單喔！謝謝小山呢！
（左圖：桂花糖；右圖：煮材料中）
正場：海鮮宴
想來想去，都不知道煮些甚麼海鮮好？最後還得感謝月媽！和她通電話提起要煮海鮮，媽就說蒸鮑魚仔啦！買回來擦乾淨清蒸再加豉油熟油便可！好！於是就去街市買了六隻鮑魚仔！然後又看到蟶子好像也很不錯，難得街市的姐姐又肯幫我劏好蟶子！好！就買回來用蒜蓉豆豉炒了！
好！食得！大碟的是蒜蓉豆豉炒蟶子，小碟的是清蒸鮑魚仔！
老公話值90分，扣左10分，係因為碟蟶子過辣了一點點…嗯…都是那兩隻指天辣累事！我太睇少佢地喇！ XD 不過我已經好開心喇！全部都係第一次煮！要多謝媽咪教路！多謝網上搵到的食譜！還有，煮這類貝殼類海產，真的要比較有時間才好洗！因為真係好．污．糟！要花好多時間先洗得乾淨呀！仲有，就係會好腥！
廚房小貼士：想去腥味，只要在廚房點起小蠟燭就可以了！謝謝好同事和媽的提示喔！
最緊要，還是吃得開心！吃的人會欣賞，看著他吃的開心，煮得再辛苦，洗得再辛苦，都係值得！^O^
沒有留言:
發佈留言